Dogana e Kosovës gjatë këtij viti ka arritur të tejkalojë dhe të shënojë rekordin e ri në grumbullimin e të hyrave. Ajo për herë të parë që nga themelimi (viti 1999) realizoi mbi 900 milionë euro. Deri me datën 16/12/2015 Dogana ka grumbulluar 902,3 milion euro apo 74.3 milionë më shumë se vitin 2014, respektivisht 9 % më shumë.
“Edhe përkundër faktit që kemi pasur ndryshime të politikave fiskale të cilat kanë ulur taksat të cilat mblidhen në kufi, performanca e Doganës ka përmirësuar të hyrat përmes uljes së kontrabandimit dhe luftimit të evazionin fiskal. Vitit 2015 karakterizohet si viti ku Dogana e Kosovës ka filluar dhe përmbyll një mori të sistemeve, sisteme këto të cilat kanë ndikuar direkt në performancën e jashtëzakonshme të Doganës. Gjithashtu viti 2015 ka qenë viti i parë i plotë që nga reforma e ndërmarr gjatë vitit 2014 pra reformimi i Doganës ka pasur një sukses të plotë, që edhe sot dëshmohet me performancën e jashtëzakonshme”, thuhet në një deklaratë të Doganës.
