Deputetja e Partisë Drejtësi Integrim dhe Unitet, Mesila Doda ka paralajmëruar votë kundër për draftin e reformës në drejtësi. Përfshirja e ndryshimeve kushtetuese që i ndezin “dritën jeshile” martesave të të njëjtit seks, duket se është e papranueshme për Dodën dhe deputetë të tjerë të PDIU-së.
“Brenda kësaj pakete (ndryshimeve kushtetuese) ka hyrë pa kurrfarë diskutimi edhe shtegu që të çon drejt martesave homoseksuale. Unë dua që të pyes z. Fatmir Xhafaj, kreun e komisionit të reformës dhe kreun e shumicës në qeveri z. Edi Rama. Përse dëshironi që vota ime dhe të grupit të deputetëve të PDIU-së të jenë kundër? Pse na provokoni dhe përse kaq rëndë?, tha Doda.
“Nëse nuk e hiqni atë nen që hap udhën e martesës homoseksuale, ne vetë nuk do e votojmë dhe ashtu si ambasadori amerikan i bën thirrje ndërgjegjes së secilit, unë i bëj thirrje ndërgjegjes dhe formimit njerëzor të çdo deputeti që të mos votojë asnjë ndryshimi që çon në ndryshimin e modelit tonë social”, vijoi fjalimin e saj deputetja e PDIU-së.
ma.me
