Deputetja Mesila Doda e ka konsideruar si një hap emancipimi, inaugurimin e Aleancës së Grave Këshilltare të Tiranës, duke e cilësuar si një aleancë përtej axhendës politike dhe madje si një model suksesi.
Nëpërmjet statusit të saj social Facebook pasditen e së mërkurës, Doda shprehet: “Lajm i mire!!! Sot isha e pranishme ne ceremonine e inaugurimit të Aleancës së Grave Këshilltare të Tiranës. Kenaqësi të shohim një produkt real e imediat të punes sonë si parlamentare që arritëm të ndryshojmë kodin zgjedhor. Prania e 50% të grave në Keshillin Bashkiak dhe krijimi i Aleancës se tyre, eshte indikator se Aleanca e Grave Deputete është një model i suksesshem i bashkpunimit përtej axhendave partiake”.
“Së bashku, aleancat në nivel qendror e vendor mund të bëjme shumë më shumë për të rritur e fuqizuar rolin e gruas. Një Aleance e madhe e grave shqiptare do mund të sillte një lëvizje të vërtete shoqërore për të përmirsuar jeten e tyre dhe të gjithe shqiptarëve. Punë të mbarë, Aleanca e Grave Këshilltare të Tiranës. Së bashku do jemi në projekte të reja”, shprehet Doda.