“Ju të gjithë do të vdisni”! Ky ishte paralajmërimi i frikshëm në sheshin e masakrës në Las Vegas më pak se 1 orë para se të nisnin të shtënat. Raportimet e mediave vendase tregojnë për një grua e cila bërtiste 45 minuta para krimit brenda turmës “Ju të gjithë do të vdisni”.
Pas të bërtiturave, gruaja dhe një burrë që shoqërohej me të u larguan nga forcat e sigurisë. Pas 45 minutash filloi sulmi që la 58 të vdekur dhe 515 të plagosur shkruan JavaNews. Dëshmitarja Brianna Hendricks, tha se gruaja ishte sjellë cuditshëm para ulërimave të saj.
Hendricks, e cila kishte qenë në Las Vegas për të festuar ditëlindjen e saj të 21-të, i tha Daily Mail Online: “Ishte një zonjë që vraponte prapa nesh dhe filloi të luante me flokët e njerëzve. Ajo vepronte si e çmendur dhe na tha se do vdesim të gjithë. Ajo tha se ‘ata’ na kanë rrethuar dhe do vdesim”./JavaNews/a.m.
“Do vdesim të gjithë…” Paralajmërimi 45 minuta para të shtënave nga gruaja që sillej si e çmendur
