Ish-deputeti Spartak Braho komentoi sot në emisionin ‘Breaking’, protestën e 8 janarit të ish-kryeministrit Sali Berisha në selinë blu.
Gjatë bisedë, Braho u ndal ndër të tjera edhe tek paralajmërimi i tij se Alibeaj në protestën e 8 janarit mund të vritej nga protestuesit.
“Shpëtoi se do e hante pas qafe. Nuk ndodhi se u paralajmërua. U gëzova se nuk pati viktima, por nuk u gëzova se gjithë mediat ndërkombëtare e dënuan gjestin dhe veprimet. Madje nominalisht zoti Escobar u shpreh për këtë gjë.
Ishte një paralajmërim i bërë nga unë, por jo në kokën time. Sinjalet e shërbimeve partnere në këtë përfundim të çonin. Unë jam i hershëm në politike. Sinjali ishte larg nga zjarri, dhuna apo masakra që mund të ndodhte në këtë rast. 2 minuta të kishte vazhduar më tej ata hynë brenda dhe nëse do të kishin hyrë nuk do të kishte seleksionim ti po dhe ti jo. Por ende nuk ka një perceptim të plotë se çdo të ndodhte. Nuk ka arsye pse të merremi me fjalët e Flamur Nokës, budalla komplet.”- tha Braho.
/b.h
