Një 37-vjeçar ka rënë në prangat e policisë në Itali, pasi akuzohet se ka dhunuar dhe ka kërcënuar bashkëshorten e tij.
Mësohet se është arrestuar Besnik Rreshka, i cili banonte në Vicenza, teksa ishte i dënuar me 2 vite burg pasi ka kanosur dhe keqtrajtuar gruan e tij, një 32-vjeçare shqiptare.
Sipas mediave italiane, shqiptari e dhunonte prej kohësh të renë, teksa në një epsiond të fundit, majin e kaluar Rreshka e kishte kërcënuar duke i thënë “nëse flet në polici të betohem se do të vras”.
Ai madje e kishte kërcënuar edhe para hetuesve të policisë gjyqësore që kishin ndërhyrë duke i thënë: “Do të të vras, do të vij të të marr në Shqipëri dhe do të të bëj të paguash, do të të ha”.
Shkak për dhunën ishte xhelozia që ai kishte, teksa sipas autoriteteve ai kishte arritur deri sa e kishte kërcënuar me armë zjarri.
Ai u arrestua pasi sërish tentoi ta takonte 320vjeçaren, e cila tahsmë ishte pajisur me urdhër mbrojtjeje. Ka qenë vetë gruaja e cila ka bërë denoncimin, teksa këtë herë Rreshka nuk ia ka hehdur vetëm me një paralajmërim, por ndodhet në parabburgim./m.j
