Një emigrant ilegal shqiptar 36-vjeçar u arrestua në Rimini të Shtunën në mbrëmje pasi u përpoq të godiste me thikë gruan e tij 30-vjeçare para policisë që ishte thirrur pas abuzimeve të shumta.
Burri u përpoq kohët e fundit ta mbyste atë para fëmijëve dhe gjithashtu kërcënoi se do t’i priste fytin me një hanxhar mishi, pretendoi ajo.
Ajo gjithashtu tha se ai ishte i dhunshëm me fëmijët. Fqinjët thanë se ata mund të vërtetonin pretendimet e saj.
Gruaja, gjithashtu me origjinë shqiptare, tha se nuk kishte thirrur policinë më parë nga frika se mund të bëhej edhe më i dhunshëm.
Ndërsa policia po e shoqëronte nga shtëpia, ai u kthye dhe u përpoq ta godiste në stomak pasi bërtiti, në shqip, “Unë do të të djeg gjallë” dhe më pas u bllokua nga oficerët.
Burri, i cili nuk ka një rekord penal, por është një migrant i parregullt, ndodhet në një burg në Rimini që nga e diela në mëngjes. Ai është akuzuar për dhunë në familje dhe rezistencë ndaj arrestimit.
