Ferdinand Xhaferraj, shpjegoi në emisionin “Të Paekspozuarit” në MCN TV përse vendosi që të tërhiqej nga gara e primareve brenda partisë. Ai tha se anëtarët e partisë do të votojnë, por nuk do të zgjedhin, sepse ata do t’i zgjedhë Berisha.
“Çdo fillim e ka edhe një fund. Problemi më i parëndësishëm është se një nga arsyet që po largohem këto nuk janë primare nisur nga përkufizimi që të kishim primare duhet të Berisha të dilte dhe të thoshte p.sh. këto janë 70 zonjat dhe zotërinjtë e Tiranës dhe votojini.
Anëtarët e partisë do të votojnë por nuk do të zgjedhin. Do të shkojë lista te Berisha dhe ai do të zgjedhë. Kemi energji të humbura. Në vend që merremi me zgjedhjet, merremi me primaret.
Protestat me pak njerëz tregojnë problemin strukturor të PD. Shqiptarët do të shkojnë me 11 maj që të votojnë të keqen më të vogël.
Nuk janë primaret, por çerekmare, pra çereku i primareve”- tha Xhaferraj.
