Kryetar i PD-së Lulzim Basha ka bërë një dalje publike përpara medias, për të folur në lidhje me vendimin që ka marrë grupi parlamentar i PD-së në lidhje me zgjedhjet e humbura në Dibër.
Pavarësisht se gjatë mbledhjes akuzat drejtuar tij, nga ana e Eduard Selamit dhe Majlinda Bregut kanë qenë të forta, Basha nuk ka komentuar mbi to.
Në të kundërt, kryedemokrati e ka cilësuar mbledhjen e grupit dhe diskutimet si konstruktive dhe të dobishme, duke shtuar se vendimi për aksionin politik do të merret në bashkëpunim me qytetarët dhe aleatët e saj “natyrorë”.
“Konkluzioni i qartë i grupit në këtë diskutim, sic e thashë i dobishëm, në raport me atë se çfarë do të bëjmë nesër, është ajo që tashmë e di çdo shqiptar.
Aleanca e politikës me krimin dhe në veçanti bashkimi i kartelit të drogës me Edi Ramën mohuan votimin e ndershëm, shkatërruan zgjedhjet.
Grupi tregoi një vendosshmëri të plotë dhe të gjithanshme për një konkluzion të cilin e kam shpallur. Vendosshmërinë e PD që të bëjë gjithcka për të këputur krimin nga politika, në vecanëri kartelin e drogës.
Dua të shpreh bindjes se aksioni politik për të cilin do të vendosim edhe me aleatët tanë, me aleatët tanë të natyrshëm, dhe me qytetarët,… neve do ja dalin që të shkëpusim kartelin e drogës nga politika.”-tha Basha./java/a.k
