Si biondja më e famshme dhe më seksi, së paku deri kohë më parë, konsiderohej Pamela Anderson.
Por tani bukuroshja tjetër Courtney Stodden kërcënon ta lërë në hije. Kjo bionde është vetëm 21-vjeçe dhe dita-ditës po shndërrohet në një fytyrë tejet të njohur në SHBA. Pesë vite më parë, Courtney kishte rrëmbyer titullin e “Miss Teen America” dhe kështu e ka filluar karrierën e saj në shoubiznes. Pas këtij suksesi, kishin pasuar disa angazhime në videospote, siç ishte ai në hitin e reperit 50 cent, “Don’t Worry Bout It”.
Kishte shënuar një rol të kënaqshëm në serinë “Hollywood Hillbillies”, por opinionin e kishte “shokuar” në vitin 2011, kur ishte martuar me aktorin Doug Hutchison, edhe pse ai ishte 51-vjeçar ndërsa ajo vetëm 17-vjeçe. Për pamjen e saj të bukur meritore është edhe të ushqyerit e saj vegjetarian, të cilin ajo e aplikon me vite. Mirëpo, pamja e saj atraktive, sikur edhe në rastin e Pamela Anderson, nuk është në tërësi meritë e natyrës, pasi edhe ajo sikurse Anderson, i ka rritur gjinjtë e saj nëpërmjet operimit estetik. Dhe ajo që mund ta bëj edhe më të famshme se Pamela, është guximi i saj për të provuar gjëra nga më të ndryshme. Përveç modelimit pothuajse tërësisht të zhveshur, ajo ka deklaruar se pa kurrfarë ngurrimi do të luante në filma ku do të duhej të përfshihej në skena të seksit.
“Nuk e kam aspak problem që të angazhohem në skena të seksit nëse e kërkon roli. Për mua kjo është tërësisht natyrale. Kam një trup të bukur, prandaj nuk kam çfarë të fshehi”, ka deklaruar ajo. Kolegia e saj më e vjetër Pamela, edhe më tutje është tejet aktive në Hollivud, por dy femra të bukura bionde, nuk janë diçka e tepërt, ndërsa e vetmja gjë që Courtney-it i mbetet, është që të realizoj një video private ku do të shihet duke bërë seks, sikur që e ka bërë Pamela dhe të bëhen “identike”. – Express
