Drejtuesi i SPAK, Arben Kraja ka bërë të qartë sot në mesazhin e tij se Prokuroria e Posaçme kundër Korrupsionit është e vendosur për të goditur këto që ka shkelur ligjin, kushdo qoftë ai, por nëse veprimet e tyre vonojnë, janë për të qenë sa më të bazuara në ligj dhe të mos ketë kthim pas.
“Ne jemi prokurorë, ne nuk bëjmë as revolucion s’jemi as analistë jemi përfaqësues të shtetit e zbatues të ligjit.
Veprimtaria jonë e bazuar në ligj e prova për të ndëshkuar kushdo që të jetë ai person që ka shkelur ligjin, për të ndryshuar mentalitetin e konceptit të pandëshkueshmërisë që ka 30 vite që ekziston, e nuk bëhet me 1 apo 2 vite për tu ndryshuar.
Duhet të jemi të qartë që gjithë ky proces duhet të jetë brenda standarteve duhet të garanotojë e të drejat e liritë e njeriut në një proces të rregullt, vendimmarja jonë vërtet mund të vonojë por është e bazuar e mbështetur që nuk kthehet pas më!”, tha Kraja.
Kreu i SPAK bëri dhe një batutë për ngarkesën e punës që ka ky institucion kohët e fundit.
“Një urim për hetuesit e rinj na kanë ndryshuar komplet mënyrën e punës i falënderoj për vullnetin që kanë na kanë mbaruar dhe adminisrtatën se s’kemi as letra më ngaqë është shtuar ritmi i punës”
/b.h
