Pas kryebashkiakut të Lezhës, Fran Frrokaj, një tjetër kryebashkiak i PD iu bashkua dëgjesës publike të Edi Ramës për buxhetin 2018, këtë herë në Vlorë.
Gjatë dëgjesës publike të Ramës me autoritetet vendore dhe qytetarët në Vlorë ishte i pranishëm kryebashkiaku i Selenicës, Përparim Shameti.
Ishte vetë kryeministri që e prezantoi dhe i dha fjalën duke thënë se koleg demokrat ndodhet mes nesh.
Shameti iu përgjigj Ramës se duhet të nisin një standard të ri komunikimi kur flitet për shqetësimet e qytetarëve. Ai i kërkoi Ramës, investime në zonat rurale, kryesisht në infrastrukturë si dhe mbështetjen e sektorit bujqësor.
“Bashkia Selenicë nuk ka patur vëmëndjen e duhur nga qeveria. Rruga e Lumit të Vlorës ishtë një investim i rëndësishëm. Kërkoj që qeveria të investojë më shumë në zonat rurale. Bashkia që drejtoi shtrihet në zona rurale. Në 140 milionë të dhëna nga qeveria, 100 milionë i kam shpenzuar për bujqësinë” Ka një kontrast të madh mes zonave rurale dhe urbane. Kjo është një kërkesë e vetë banorëve“, deklaroi Përparim Shametaj.
Ndërkohe, kryeministri duke kërkuar bashkëpunimin e të gjithë kryebashkiakëve, vlerësoi Bashkinë e Selenicës , madje deklaroi se do marrë më shumë financime se disa bashkia socialiste
“Bashkia e Selenicës është për t’u përgëzuar dhe do marrë më shumë financime se disa bashki socialistë. Selenica nuk ka bërë asnjë shpenzim të tepërt. Po negociojmë për programin e rrugëve rurale. 100 milionë dollarë do shkojë për zonat rulare për investime. Na sillni projektë dhe do ku mbështesim pa asnjë rezervë”, deklaroi Rama
Kreu i qeverisë e lavdëroi për punën e bërë, dhe për batutë i tha: “Nesër më ke atje, do vij të të vizitoj”.
a.ç/javanews
