Donald Trump është vënë sërish në qendër të kritikave pas një deklarate të fortë të tij. Ai ka deklaruar se duhen ndaluar refugjatët që të hyjnë në SHBA, pasi “do shkaktojnë një 11 shtator të dytë”.
“Vendi ynë ka shumë vështirësi për momentin, mendoni si do bëhet nëse vijnë refugjatë në masë nga Siria apo vende të tjera”, ka deklaruar miliarderi.
Më tej ai shton dozën duke deklaruar se “do të ndodhin gjëra të shëmtuara”.
“Nëse vijnë emigrantë të tjerë, shumë gjëra të shëmtuara do ndodhin. Do të ketë sulme të shumta nga ata që po vijnë në vendin tonë. Do të na sulmojnë pikërisht njerëzit që po i mirëpresim tani. Ata kanë celularë por nuk kanë asnjë të ardhur. Kush ua paguan rimbushjet? Ata kanë celularë me logot e ISIS sipër”, tha Donald Trump.
Kaq ka mjaftuar që të nisë një lumë kritikash ndaj tij duke e akuzuar për diskrimin ndaj refugjatëve. Por Trump është mësuar tashmë me këto kritika dhe veçse sa i shtojnë “oreksin”.
Sipas Trump nëse lejohet fluksi i emigrantëve në SHBA, nuk është çudi sikur të ketë një 11 shtator të dytë.
Tema/D.i.