Kryetari i grupit parlamentar të PS, Taulant Balla u shpreh se nëse opozita nuk do të sjellë propozime atëherë në raundin e katërt do të zgjidhet presidenti i ri me propozim të mazhorancës.
Ai u shpreh se PD do të bëjë gabim nëse tërhiqet nga procesi, por në fund të fundit u shpreh Balla kjo është punë e tyre. Kryetari i grupit të PD deklaroi se raundet do të marrin kohën e duhur.
“Patjetër që do kemi president në raundin e katër. Nuk do të ketë emër nga mazhoranca deri në raundin e tretë. Nëse Alibeaj ka vendosur që grupi i PD të tërhiqet është gabim, por është punë e tyre. Raundet në datat 23 dhe 30.
Nëse nuk do jetë zgjedhur në raundet e dytë dhe të tretë, do zgjidhet në raundet pasuese dhe PS do të bëjë propozime”, tha Balla.
“Presidenti”, Balla ‘vijë të kuqe’ Berishës: Atë të botës tjetër s’e konsiderojmë
Kreu i Grupit të PS, Taulant Balla në një komunikim për mediat u shpreh i qartë se opozitë duhet të vijë me një kandidat të përbashkët për presidentin e ri.
Gjithashtu ripërsëriti se nuk do të merret në konsideratë firma e ish –kryeministrit Sali Berisha.
“Unë dua që të them se që raundet të marrin kohën maksimale kjo do respektohet edhe sikur të marrin vendim që nuk do bëhen pjesë e procesit apo nuk sjell kandidaturë në datën 23 raundi i tretë do të jetë në datën 30. Nuk lëvizim…Unë kam thënë që në i kemi firmat, ja kam kërkuar zotit Alibeaj nëse i ka firmat t’i sjellë. Nëse arrin të bëjë bashkë pa firmën e ndonjërit që ne nuk e marrim në konsideratë. Procesi që kemi nisur edhe Grupet e tjera Parlamentare duhen marrë në konsideratë, mendoj që opozita duhet të vijë me një kandidat të përbashkët, me përjashtimin e qaftë largut ju e dini”, tha Balla.
I ndalur tek vizita e Mike Pomepo, tha se ishte një takim i rëndësishëm dhe që SHBA meriton respektin më të thellë të popullit dhe kombit shqiptar. Kujtoj që Kosova nuk do ishte e pavarur nëse nuk do ishte mbështetja e SHBA ./m.j
