Indrit Murati i njohur nga gjithë tifozët “Kuq e Zi” si “Problemi” është bërë shumë i njohur për opinionin mbarë shqiptarë pas një deklarate bombastike që kishte bërë muaj më parë.
Tifozi i çmendur i Kombëtares Shqiptare ka dhënë një intervistë ekskluzive për Gazeta Blic, ka thënë se nëse Shqipëria kalon grupet, ai do pozojë në mes të Serbisë me flamurin Kuqezi. “Pas kalimit te grupit të Shqipërisë në “Euro 2016″ do iki një vizitë atje në lokalin Serbi. Do pi disa birra me çmim të lartë pasi për fat të keq nuk do këtë ulje pasi që Shqipëria, nuk do pësojë as një gol. Me siguri aty do gjej edhe vëllain e Herolind Shalës duke pritur të pijë me ofertë dhe duke pritur të pijë vodka falas. Ai së meriton të jetë vëllai i Herolindit. Ju premtoj futbollistëve të Kombëtares, disa prej të cilëve i kam miq, që pas kalimit të fazës së grupeve, do t’i përshëndes me një foto me flamur në lokalin që ofron pije me ofertë”, tha Murati Ai po ashtu kritikoi të gjithë ata të cilët flasin keq për Kombëtaren, shkruan Gazeta Blic.
“Ato qe flasin keq për Kombëtaren nuk tregojnë gjë tjetër veçse që luajnë për famë dhe emër. Të jesh “Kuq e Zi” me zemër do të thotë që ta mbështesësh atë në ditët te mira, poashtu edhe në ato më të vështira”, u shpreh ai. “Lojtarëve serbë dhe trajnerit të tyre ju them të blejnë paketën e digitalb dhe në HD të shijojnë super-golat e djemve Kuqezi”/Gazeta Blic.
