Shkatërrimi i materialeve zgjedhore në Burrel i ka kushtuar shoqërimin në Polici ish-deputetes demokrate.
Burime nga qyteti në fjalë bëjnë të ditur se Dhurata Çupi është marrë nga efektivët e rendit për të dhënë sqarime ne Komisariat, shkruan JavaNews.
Ditën e sotme, dhjetëra militantë të Partisë Demokratike dhe LSI-së dogjën të gjithë dokumentacionin dhe bazën materiale të KZAZ-së përkatëse.
JavaNews mëson se bashkë me Çupin është marrë edhe kryetarja e FRPD Burrel, Denisa Vata.
Ndërkohë mbetet në kërkim ish-deputet i i Shkodrës, Bardh Spahia, i cili ishte në krye të militantëve që dogjën një natë më parë shkollën ‘Shenaze Juka’.
/JavaNews/a.r
