Anëtari i Kryesisë së Partisë Demokratike, Fatbardh Kadilli në emisionin “Java në RTSH” foli edhe për kauzat e opozitës, konkretisht në lidhje me djegien e mandateve.
Në panelin me analistët Prec Zogaj dhe Lorenc Vangjeli, Kadilli u pyet se cili ka qenë qëndrimi i tij në këtë rast.
Ai u shpreh se ka qenë kundra dregies së tyre dhe tha se I ka thënë Bashës se ka tre arsye që është kundra këtij vendimi.
“E para unë nuk kisha asnjë mandat dhe nuk mund të flisja për etikë për mandate të tjetër kujt. E dyta nuk shikoja asnjë përfitimin nga kjo, përvecse dëm. E fundit, në këtë kulturë politike që kemi ne, nuk e kemi kulturën e vetësakrifikimit si një shpërblim për të nesërmen. Pra kjo bisedë është bërë para se të digjen mandatet.”- u shpreh Kadilli në emisionin “Java në RTSH”.
