Përfaqësues të Aleancës Kundër Importit të Mbetjeve kanë reaguar pas djegies së gabrikës së riciklimit të mbetjeve në zonën e Kasharit dy ditë më parë.
Në një deklaratë për mediat, përfaqësuesi i AKIP, Ervin Goci deklaroi se me djegien e “Everest” i hapet rruga ndërtimit të inceneratorit të Tiranës.
“Ditën e tokës u dogj një impiant gjigant, i dha një re tymi qytetit. S’kemi reagim nga ata që pësuan djegien. Kemi shqetësimin e madh ku kemi jo vetëm djegien e një impianti, por djegien e një industrie. Një impiant riciklimi është në përputhje me standardet e BE, por në fakt sot kemi një djegie, djegien e të gjithë industrisë së riciklimit. Ajo djegie është një formë incinerimi i asaj politike që është bërë në 27 vjet, është një katastrofë ambientale. Ne kërkojmë hetim urgjent nga Prokuroria. Në bindjen time është një djegie e qëllimshme për t’i hapur rrugë incineratorit të Tiranës”, tha ai.
Ndërsa ambjentaslisti Lavdosh Ferun tha se djegia e fabriëks ka sjellë dëme të mëdha në mjedis. Sipas tij, zona është e kontaminuar dhe duhet ndaluar tregtimi i produkteve bujqësore.
“Shprehim indinjatën tonë për këtë indiferentizëm të institucioneve, jo vetëm për atë zonë aty, po për të gjithë vendin. Çështja nuk është bvetem për dëmin e kompanisë përkatëse, por nga ana tejtër ne kërkojmë të hetohet me forcë ccështja e menaxhimit të mbetjeve në shkallë republike. Një ditë pas rekomandimit të KE, ku pikë kritike kishte edhe çështjen e mbetjeve, ku theksonte mospajtueshmërinë me standarde e BE të ngritjes së inceneratorëve. Ka dëm në atë ekosistem në atë zonë. Masat që duhen marrë janë emergjente, duhen verifikuar shkalla e kontaminit nga metalet e rënda. Në atë zonë bujqësore duhen marrë masa, duke bllokuar tregtimin e këtyre produkteve, deri në një moment të dytë kur zona të jetë pastruar”, deklaroi Ferruni./a.m.
