LSI reagon zyrtarisht pas protestave të dhunshme dje para parlamentit dhe episodeve brenda sallës së seancave plenare.
LSI ka reaguar sot zyrtarisht në lidhje me skenat e djeshme të dhunës brenda parlamentit, ku opozita kundërshtoi ashpër votimin e zgjedhjes së kryeprokurores.
Deputetja e LSI-së, Klajda Gjosha në reagimin zyrtar ka thënë se kjo forcë politike dënon çdo lloji dhune. Ky reagim i LSI-së vjen pas atyre të SHBA dhe BE, të cilët dënuan ashpër dhunën e përdorur si element nga deputetët për të protestuar.
“Dënojmë si ata dhunën e ushtruar ndaj Kushtetutës së Shqipërisë, dënojmë marrjen peng të reformës në drejtësi, dënojmë dhunën e ushtruar ndaj grave dhe vajzave”, tha Gjosha nga selia e LSI-së.
