Sekretari i Përgjithshëm i Partisë Socialiste Damian Gjiknuri ka paralajmëruar ngritjen e një padie ndaj deputetit demokrat Agron Shehaj.
Ky i fundit deklaroi se djali i Xhaxhait të deputetit të PS ka përfituar statusin e investitorit strategjik.
Gjiknuri mohon të ketë lidhje me personin në fjalë përpos mbiemrit të ngjashëm.
“E siguroj deputetin Agron Shehaj se unë nuk jam si ata të partisë së tij që mohuan baxhanakun e ndjerë në Gërdec.
Nuk kam ama se si të pranoj që çdokush që mban mbiemrin Gjiknuri dhe që merret me biznes duhet të jetë automatikisht djali i xhaxhait tim.
Çdokush mban përgjegjësi e përgjigjet për ato që bën. Le ta provojë gjykata e do ta mbaj unë përgjegjësinë, por nëse unë nuk e kam djalë xhaxhai personin e përgojuar nga Agron Shehaj, atëhere Agroni duhet të më dëmshpërblejë për cënim të qëllimshëm të imazhit!”, shkruan Gjiknuri./m.j
