Djali i madh i presidentit amerikan Donald Trump ka dalë pozitiv për koronavirus, sipas zëdhënësit të tij.
Donald Trump Jr, 42 vjeç, u diagnostikua në fillim të kësaj jave dhe ka qenë në karantinë ,tha zëdhënësi.
“Ai ka qenë plotësisht asimptomatik deri më tani dhe po ndjek të gjitha udhëzimet e rekomanduara mjekësore Covid-19”, thuhet në deklaratë.
Don Jr është i dyti nga fëmijët e presidentit që rezulton pozitiv. Barron Trump, 14 vjeç, gjithashtu u diagnostikua muajin e kaluar, por u shërua shumë shpejt.
Trump Jr luajti një rol të madh në fushatën presidenciale të babait të tij. Ka pasur gjithashtu spekulime se Don Jr është i interesuar të kandidojë për Shtëpinë e Bardhë.
Partnerja e Don Jr, Kimberly Guilfoyle, një ish-gazetare e Fox News, doli pozitive për sëmundjen në korrik, dhe gjithashtu u shërua.
g.kosovari
