Djali i Isa Mustafës, Besniku ka lëshuar një reagim përmes të cilit ka konfirmuar se prej muajit prill të vitit 2014 e deri në mars të vitit 2015 kishte blerë pajisje prej kompanisë së Miroslav Mishkoviç për shkak se firma prej të cilës ishin furnizuar në Maqedoni kishte falimentuar.
Besniku ka treguar se të gjitha blerjet i ka bërë në mënyrë të rregullt dhe përmes bankave.
Me këtë rast, ai ka kërkuar të mos jetë pre e sulmeve politike për shkak se po i rrezikohet biznesi dhe 11 punëtorët e tij.
Vetëvendosje ka mbajtur, te dielen konferencë, ku ka treguar se djali i Kryeministrit Isa Mustafa kishte blerë pajisje dhe kishte bërë biznes me Miroslav Mishkoviç, dikur Zëvendëskryeministër i Serbisë.
Pas kësaj, kishte reaguar LDK, duke i dalë në mbrojtje familjes së Isa Mustafë e duke akuzuar Albin Kurtin e Glauk Konjufcën për lidhje me shtetin serb.
