Kryeministri Rama ishte i pranishëm në konferencën për “revolucionin dixhital”, duke thënë se me ardhjen e të majtëve në pushtet, numri i shërbimeve online që ofronte shteti ishte vetëm 13, ndërsa tani është në 260. Rama shtoi se pavarësisht rritjes së numrit, qëllimi duhet të jetë realizueshmëria e shërbimeve. Kryeministri shtoi se ka dy aspekte të rëndësishme të dixhitalizimit të shërbimeve shtetërore.
“Pa dyshim që pavarësisht se numrat flasin për shumë, e vërteta është që ka nevojë më shumë për të realizuar qëllimin… që këto shërbime të jenë të përdorura në një masë më të madhe se sa është përdorur sot… ky proces, i intensifikimit të punës për teknologjinë e informacionit në funksion të modernizimit të shtetit, ka dy anë.. Njëra anë është ajo që theksoi ambasadori, potenciali i jashtëzakonshëm i rritjes ekonomike, të punësimit dhe kapaciteteve për të zhvilluar ekonominë dhe shoqërinë dhe ana tjetër, koncepti për të zbrapsur në mënyrë sistematike korrupsionin.”- tha Rama. javanews/ a.k