Shqipëria i mbylli me humbje eliminatoret e vlefshme për Kampionatin Evropian “Euro” 2020.
Së fundmi vjen lajmi i bujshëm nga Italia ku thuhet se Reja nuk do të vazhdojë bashkëpunimin me Kombëtaren shqiptare.
Prestigjiozja italiane “Gazzetta dello Sport” shkruan: “Divorc i pashmangshëm i Edi Rejës me FSHF-në”, duke arsyetuar se tekniku italian nuk arriti objektivat me kuqezinjtë. “Ndërkohë trajneri Reja po mbyll eksperiencën shqiptare. Kontrata ka mbaruar në ndeshjen e fundit kualifikuese atë kundër Francës”, shkruan media italiane.
74-vjeçarit i ka përfunduar kontrata pas ndeshjes me Francën dhe ende nuk ka asnjë informacion për të ardhmen e tij.
