Shkrimtari i madh i letrave shqipe, Ismail Kadare feston sot 80 vjetorin e lindjes. Me këtë rast drejtuesit më të lartë të Shtetit kanë uruar shkrimtarin e madh në këtë përvjetor.
Kryeministri Edi Rama ka shkruar “Edhe 100” në një postim në rrjetin social “Facebook”, ku k postuar edhe një foto të shkrimtarit Kadare.
Ndërsa Kryetari i Partisë Demokratike, Lulzim Basha në urimin e tij për 80 vjetorin e lindjes se shkrimtarit Ismail Kadare, shkruan, “me rastin e 80 vjetorit i uroj ditëlindjen shkrimtarit tonë të madh kombëtar Ismail Kadare. Një ditë e shënuar jo vetëm për të dhe familjen Kadare, por për të gjithë shqiptarët kudo që janë”.
Kreu i Bashkisë së Tiranës, Erion Veliaj gjithashtu i ka uruar ditëlindjen shkrimtarit Kadare duke shkruar, “Gëzuar Ditëlindjen, Gjeneral i Ushtrisë së Letrave të bukura shqipe!”, Ismail Kadare, shkrimtar i madh i letrave shqipe dhe jo vetëm , i perkthyer ne 45 gjuhe te botes, kandidat i çmimit Nobel në letërsi, lindi më 28 janar të vitit 1936 në Gjirokastër. Nga “Gjenerali i ushtrisë së vdekur”, që e bëri të njohur në gjithë botën, ne “Daullet e shiut”, veprat e tij më të zhytura në natën e legjendës ballkanike jane , “Kush e solli Doruntinën” apo “Ura me tri harqe” apo ato me frymëzime të së tashmes si “Tri këngë zie për Kosovën”.
