Kryetari i Partisë Demokratike, Lulzim Basha zhvilloi një takim me disa biznese dhe qytetarë në Njësinë 4 në Tiranë.
Gjatë bashkëbisedimit me një qytetare, e cila kishte kaluar Covidin, Basha premtoi se ka një plan konkret për të gjithë ata qytetarë që kanë kaluar virusin në shtëpi, duke i ndihmuar.
Qytetarja i tha Bashës: “Ka ardhur fundi, ky vampiri po na i thith gjakun të gjithëve”.
Nga ana e tij, Basha u shpreh se në 25 prill do të bëhemi bashkë për të larguar Ramën.
“Pandemia ka dalë jashtë kontrollit se këta nuk kanë marrë asnjë masë. Njësoj si ty, të gjithë ata që e kanë kaluar në shtëpi janë zhytur në borxhe.
Duhet të bëhemi bashkë dhe në 25 prill t’i japim fund. Ne po bëjmë gati një plan që të gjithë ata që e kanë kaluar covidin dhe që janë detyruar të zhyten në borxhe të kenë ndihmën që ky nuk ia ka dhënë. Lekët tuaja i ka ruajtur për veten e tij. Ne kemi një plan konkret dhe nuk do ju lemë në baltë. Nuk do ju zhgënjejmë”, u shpreh Basha.
Teksa ka qënë duke hyrë në ambientet e një biznesi, ai është takuar me dy të moshuara të cilat i bënë me dije se qeveria nuk i ka ndihmuar aspak gjatë periudhës së tërmetit. Një prej tyre i tha Bashës se lutet që ai të vijë në pushtet më 25 prill.
‘Ty të besohet se ditë për ditë them o zot ishalla e merr Lulzim Basha, përdit lutem dhe i lutem Zotit që ta marrësh, pa asnjë lloj interesi e them’- është shprehur e moshuara teksa ka takuar kryedemokratin.
g.kosovari
