Shqipëria dhe shqiptarët shënojnë sot 104-Vjetorin e Pavarësisë. Festimet kanë zënë vend në të gjitha trevat shqiptare. Ndërkohë, vëmendja kryesore është në Vlorë dhe Tiranë. Edhe këtë vit politika eshte e ndarë. Opozita dhe të djathtët festojnë sot edhe Çlirimin e vendit.
10:15 – NGRIHET FLAMURI KUQEZI NE TIRANE
Kreu i Bashkisë së Tiranës, Erjon Veliaj, ka uruar gjithë kryeqytetasit e mbarë shqiptarët për ditën e Pavarësisë. Teksa ka uruar për këtë ditë të rëndësishme, Veliaj ka garantuar se nëntori tjetër do e gjejë Tiranën me sheshin më të bukur të trevave dhe ndoshta më të bukurin në rajon.
Nëntorin tjetër do ta festojmë në një shesh më të bukurin e trevave tona, më të bukurin në rajon. Më shumë punë, më pak fjalë, stërkëmbësha e ngatërresa që vendi të ecë përpara”,- tha Veliaj.
10:00 -BASHA URON ÇLIRIMIN E VENDIT
Kreu i PD-së, Lulzim Basha ishte ditën e sotme në “Varrezat e Dëshmorëve” në Tiranë ku bëri homazhe për Çlirimin e vendit.
Pasi çoi lule në të rënët e luftës Nacional-Çlirimtare, Basha uroi Çlirimin e vendit në një prononcim për mediat.
“Uroj Çlirimin e vendit për të gjithë shqiptarët. Lavdi të rënëve në luftë. Zoti e bekoftë Shqipërinë”, tha Basha.
08:46 -RAMA URON PAVARESINE NGA GJERMANIA
Kryeministri Edi Rama ka uruar sot gjithë shqiptarët për ditën e Pavarësisë. Me një foto të flamurit, Rama uron shqiptarët kudo jetojnë dhe i shpreh mirënjohjen etërve themelues të shtetit shqiptar.
Urimi i Ramës
GËZUAR DITËN E PAVARËSISË
Mirënjohje përjetë Ismail Qemalit dhe të gjithe etërve themelues të shtetit shqiptar!
Rroftë Shqipëria dhe rrofshin shqiptarët kudo ku jetojnë!
