Kryetari i PDK-së Kadri Veseli, me anë të një statusi në “Facebook” ka kujtuar 4 korrikun, ditën e Pavarësisë së Amerikës.
Veseli shprehet se Kosova i është përjetësisht mirënjohëse SHBA-ve për gjithcka ata kanë bërë, ndërkohë që pavarësia e SHBA lidhet ngushtë me përpjekjet njerëzore për liri, demokraci dhe shtetin e së drejtës.
Postimi i Kadri Veselit:
Ideja e përpjekjeve njerëzore për liri, demokraci dhe shtet të së drejtës lidhet ngushtë me datën e 4 Korrikut, Ditës së Pavarësisë së Shteteve të Bashkuara të Amerikës. Kjo është një ditë e rikujtimit të vlerava të mëdha amerikane, mbi të cilat u ndërtuan vizione dhe shpresa për tërë botën demokratike.
Kosova ka rrugën e përbashkët të partneritetit dhe miqësisë së përhershme me SHBA-të dhe ne u jemi përjetësisht mirënjohës për gjithë atë që bënë dhe po bëjnë për ne. Urimet më të përzemërta për popullin dhe shtetin amerikan!
/e.rr
