Kreu i Grupit Parlamentar të PS-së, Taulant Balla ka zgjedhur spitalin COVID2, “Shefqet Ndoqi” për të uruar infermierët në Ditën e Infermierëve.
Balla u dhuroi atyre lule, ndërsa i shprehu mirënjohjen për kujdesin e treguar ndaj pacientëve dhe ndihmën e dhënë në kapërcimin e situatës.
Numri dy i PS tha se shpreson që kjo “situatë e jashtëzakonshme” të shkojë ë drejtë përfundimit, ndërsa shtoi se do të duhen të kalojën breza që ajo të përsëritet.
“Ju shpreh të gjithëve mirënjohjen për atë kujdes që keni treguar ndaj të gjithë personave që u trajtuan në spitalin COVID2. Dita e Infermierëve nuk është rastësi që koiçidon pas Ditës së Europës. Janë dy gjëra që për Shqipërinë janë të lidhura me njëra-tjetrën. E para është që drejtimi i Shqipërisë mbete ai drejtë Integrimit Europian, dhe e dyta, është se falë jush jemi ndër vendete para në Europë sa i përket numrit të jetëve të humbura, edhe pse çdo jetë e humbur është një fatkeqësi, po e rëndësishëm është që sot kemi mundësinë të shohim përpara. Shpresojmë të shkojë drejtë përfundimit kjo situatë që ishte e jashtëzakonshme dhe duhet të kalojnë breza që të përsëritet një situatë e tillë. Faleminderit mjekëve dhe infermierëve, të gjithë stafit mjekësor“, tha Balla.
g.kosovari
