Në ditën e 23 të sulmit rus ndaj Ukrainës, shpërthime të shumta janë dëgjuar mëngjesin e kësaj të premteje nga drejtimi i aeroportit ndërkombëtar Danylo Halytskyi në perëndim të Lviv.
Mediat e huaja bëjnë me dije se një numër i madh videosh janë postuar në rrjetet sociale që tregojnë tymin që ngrihet nga i njëjti vend.
ndërkaq përmes një postimi në Telegram, kryetari i Lviv ka theksuar se nuk është goditur aeroporti por një ndërtesë ngjitur me të.
“Padyshim që nuk është aeroport”, ka shkruar ai.
Nëse konfirmohet si një sulm raketor rus, ky është sulmi më i afërt që ata kanë goditur me qytetin historik të Lviv që nga fillimi i luftës tre javë më parë.
Sipas inteligjencës amerikane, Vladimir Putin mund të dalë me kërcënime bërthamore kundër Perëndimit nëse Ukraina vazhdon t’i rezistojë pushtimit rus.
“Një pushtim i gjerë i pjesëve të territorit ukrainas kërcënon të reduktojë numrin e forcave të armatosura ruse në dispozicion, si dhe arsenalin e saj të modernizuar të armëve, ndërsa sanksionet ekonomike që rezultojnë mund të shkaktojnë depresion të zgjatur ekonomik dhe një gjendje izolimi diplomatik,”- thotë inteligjenca amerikane.
g.kosovari
