Forca të shumta policie kanë rrethuar Gjykatën Kushtetuese në Maqedoninë e Veriut, ku vlerësohet sot ligjshmëria e ligjit për përdorimin e gjuhëve.
BDI në prag të seancës ka nisur një nismë të quajtur “roje për gjuhën” me prezencë 24 ore para Gjykatës Kushtetuese, me të cilën thonë se qëndrojnë në “mbrojtje të Ligjit për gjuhët”.
Kryetarja Gordana Siljanovska Davkova u tha liderëve partiakë që të përmbahen nga komentimi i vendimit të Gjykatës Kushtetuese për Ligjin për Gjuhët, ndërsa kryeministri Hristijan Mickoski me një mesazh për qytetarët që të mos bien në provokimet e BDI-së.
Para Gjykatës Kushtetuese më 8 dhjetor janë mbledhur aktivistët e Bashkimit Demokratik për Integrim në opozitë, të cilët, siç ka bërë të ditur zyrtari i partisë Arbër Ademi, do të qëndrojnë deri kur do të mbahet seanca për Ligjin.
Ademi ka thënë se me nismën “Roja e Gjuhës”, me prezencë 24 ore para Gjykatës Kushtetuese, qëndrojnë në “mbrojtje të Ligjit për Gjuhët”.
