Nëse nuk e doni Edi Ramën kryeministër në një mandat të ri, më parë duhet:
-Të riogranizoni opozitën politike shqiptare!
Me këtë opozitë, Edi Rama mund të qëndrojë në pushtet sa të dojë vetë!
Lulzim Basha e vrau përfundimisht politikën opozitare duke e future në një ngërc tepër të rrezikshëm vendin.
Ai është realisht kamikaz i politikës shqiptare; synon të “vrasë” Ramën duke hedhur veten në erë!
-Të detyroni Metën të dalë nga koalicioni Tani! Por kjo nuk ndodh, pasi Meta ka 20 vjet në politikë, nga të cilët vetëm 2 vjet ka mbajtur përgjegjësi për punën (kur ishte kryeministër), ndërsa vitet e tjera ka përfituar nga pushteti duke mos dhënë asnjëherë llogari!
Nëse nuk arrini ta bëni këtë, atëherë “detyroni” partitë të hyjnë në zgjedhje vetem dhe pasi të shikojmë se si kanë garuar, le të bëjnë aleanca paszgjedhore!
Meta nuk ka për të bërë asnjë nga këto lëvizje dhe pse do dëshironte ti bënte. Ai llogarit mirë cdo lëvizje për të siguruar në jetgjatësi qënine e tij në politikë, më shumë se qënien e tij kryeministër! Eshtë komod në këtë pozicion që gjendet: opozitar në qeverisje!!!!
-Të “zhdukni” nga ekranet opinionistët që me tezat e tyre, me kalimin sa në një krah të politikës në tjetrën, ua kanë sjellë në majë të hundës shqiptarëve politikën.
Ata duke dashur të duken “trendy” në arsyetime e duke dashur të sulmojnë Ramën sipas “mënyrës së tyre”, shtojnë cdo ditë kuotat e tij!
Kur bashkohen në kor kundër një individi, ata që ua sjellin popujve në majë të hundës, atëherë popujt instiktivisht bëhen bashkë për ta mbrojtur këtë individ.
Nuk thonë kot, më mirë një “armik” se një “mik” budalla!
-Të ngriheni me forcë kundër të gjithë atye individëve që e shikojnë vetëm bardh a zi politikën e rilindjes!
Pranoni ato vendime e veprime që kjo qeveri ka bërë në favor të forcimit të vendit!
Nëse nuk gjeni asnjë të tillë do të thotë se duhet të hapni sytë! Nëse refuzoni gjithcka, populli do tju refuzojë ju dhe do bashkohet me atë që e mendon se ka punuar qoftë dhe jo si do ta dëshironte vetë populli!
-Të edukoni vetveten me idenë se të mos duash një individ në politikë nuk mjafton ta shash, ta anatemosh, ta urresh. Duhet ta njohësh jo individin, por rrethin e atyre që e mbështesin atë. Pastaj të gjesh instrumentet për ti përdorur.
Së fundmi, nëse nuk e doni Edi Ramën edhe në mandatin tjetër, përpiquni të lini vend për të rinj të talentuar që të marrin në dorë fatet e vendit!
Por mesa shikoj unë këto nuk po ndodhin ….Dhe unë nuk kam asgjë në dorë… Të paktën ejani të bëhemi bashkë për të bërë Kushtetutën e re!
