Përfaqësuesi i Bashkimit Europian në Kosovë, Samuel Zbogar dhe shefat e misioneve të BE’së i kanë shprehur mirënjohje Presidentes Atifete Jahjaga për bashkëpunimin midis tyre për pesë vite.
Në deklaraten për media thuhet se diplomatët e BE’së lavdëruan përpjekjet e Jahjagës për të pajtuar ndarjet politike dhe punën e saj në interes të popullit të Kosovës, transmeton Express.
“BE shpreh mirënjohje për Presidenten Jahjaga për dedikimin e saj që Kosova të jetë një vend më i mirë për popullin e saj. Samuel Zhbogar, Shefi i Zyrës së BE-së në Kosovë/Përfaqësuesi Special i BE-së dhe Shefat e Misioneve të BE-së në Kosovë ishin mikprites të një drekë lamtumirëse për Atifete Jahjaga, Presidenten në largim të Kosovës, për ta falënderuar atë për bashkëpunimin e shkëlqyeshëm gjatë pesë viteve të kaluara.
“E gjithë familja e BE-së në Kosovë i dëshiron Presidentes Jahjaga suksese në jetën e saj personale dhe profesionale”, komunikata e plotë.
