Këngëtarja Fjolla Morina, ka qenë jo pak e përfolur gjatë këtij viti. Ajo u arrestua në qytetin e Prishtinës, për akuzën e trafikut të armëve. Pas daljes nga burgu, këngëtarja ka folur për herë të parë rreth kësaj çështje në një intervistë për T7.
Duke rrëfyer gjendjen e saj në atë periudhë, Fjolla theksoi nuk e ka pasur aspak të thjeshtë dhe se e ka parë veten në pikën zero. Gjithashtu ajo tha se ka shkuar edhe në psikiatri shumë shpesh për ta kaluar gjendjen e rënduar që kishte.
‘’Nuk e kisha imagjinuar që mund të kisha përjetuar diçka të tillë. Unë kam bërë shumë sfida për karrierë, por kjo është diçka në jetën time personale dhe ka ndikuar edhe në familjen time në fëmijët e mi, në njerëzit më të dashur. E kam parë vetën në pikën zero saqë nuk doja të jetoja më, rashë edhe në kile. Ka qenë aq e rëndë sa kam shkuar në psikiatër. Shkoja pothuajse çdo ditë.’’, tregoi ajo.
Më tej, Fjolla u shpreh se familjes së saj i ka ndikuar shumë, sidomos vajzat dhe nëna e saj e kanë përjetuar shumë keq.
‘’Vajzat e kanë pëjetuar keq, gjithashtu edhe mami im. Madje vajza e vogël ka qenë shpesh nëpër mjekë. Ndonjëherë kam menduar të iki nga ky vend, të mos jetoj më këtu. Derisa të vdes nuk do ta harroj.’’
Ndër të tjera, këngëtarja tregoi edhe rreth gjendjes dhe rutinës së saj brenda në burg, ku shprehu se ka qenë shumë e mbyllu dhe se nuk shoqërohej shumë me të burgosurat e tjera.
‘’Më duket akoma si ëndërr. Mos mu bëftë me e harru. Kam qenë shumë e mbyllur si person brënda. Kur e din që ke bërë diçka e ul kokën, por kur e din që s’ke bërë gjë ëstë shumë e rëndë. Dëgjoja fjalë shumë… Nuk kam pasur kontakte me të tjerat, kam lexuar më shumë, vendosa një rutinë. Nuk munda ta pranoja kurrsesi vetveten. Kam arritur në përfundimin që duhet t’i provojmë këto gjëra që ta kuptojmë që jeta është shumë e bukur.’’, rrëfeu Fjolla.
Për sa i përket akuzave, këngëtarja nuk ka preferuar të flasë shumë, por vetëm ka shprehur se mendon që dikush i ka bërë keq dhe se ajo nuk e meritonte të përfundonte në burg.
‘’Kur ka ndodh rasti unë mendoj që nuk ka qenë çështja që unë të përfundoj aty, por ne njerëzit jemi shumë egoistë. Nuk kemi qejf ta shohim njëri-tjetrin mirë, vetëm keq. Unë mendoj që ma kan bërë të keqen, dikush e ka bërë nga inati, për drama. Po më vjen shumë keq për ato njerëz. ‘’
g.kosovari
