I ftuar në emisionin e sotëm në emisionin “5 Pyetjet” ishte i ftuar deputeti i Partisë Socialiste dhe kryetari i Komisionit të Ligjeve, Ulsi Manja, i cili flet për çështjen e zgjedhjes së Kryeprokurorit të përkohshëm.
I pyetur nga drejtuesi i emisionit nëse qëndronin pretendimet e opozitës se është shkelur apo jo kushtetuta, Manja thotë se kjo i përket Gjykatës Kushtetuese për të vendosur, pasi secila nga palët kanë pretendime. Po ashtu, ai flet edhe për njohjen me Kryeprokuroiren, me të cilën ka punuar kur ishte Kryeprokuror i Shkodrës dhe Marku drejtuese e Task-Forcës.
E meriton zonja Marku të jetë prokurore e Përgjithshme me një mandat 7 vjeçar?
Para se ti jap përgjigje pyetjes falënderoj prokurorët që u bën pjesë e asaj gare. Natyrysht që ne arritëm te emri i zonjës Marku. Unë nuk dua të merrem fare me këtë çështje pasi për këtë do të vendosi KLP. Unë mund të flas a është zonja Marku e denjë dhe me integritet për të mbajtur postin e Prokurorit të Përgjithshëm të përkohshëm. Për mua po.
Të punosh për 15 vite në Prokurorinë e Shkodrës, në të cilën dihen problematika e shumta që ka, të jeni të bindur se janë prokurorë të fortë nga karakteri dhe me integritet. Pse ka bërë çudi zgjedhja e zonjës Marku në atë post? Sepse ne jemi mësuar që figurat e larta t’ i gjejmë vetëm në Tiranë, por edhe në qytetet e tjera ka prokurorë me integritet. Kam qenë eprori i saj në Prokurorinë e Shkodrës. Zonja Marku ka hetuar krimet nga më të rëndat në Prokurorinë e Shkodrës, si krimet kundër jetës si dhe ka qenë kryetarja e TASK- FORCËS anti- korrupsion.
