Leonardo DiCaprio ha një copë mëlçi të vërtetë në filmin e tij “The Revenant”, film ky i cili është një ngjarje pikëlluese e hakmarrjes dhe mbijetesës në një mjedis të akullt në Amerikë.
Dhe, duket se ky film do t’ia sjellë atij çmimin Oskar pas plot 25 viteve aktrim dhe pesë nominimeve në Akademinë e Çmimeve. Plani fillestar i tij ishte që të kafshojë një organ të stimuluar, por DiCaprio tha jo, sepse do të dukej e rreme. “Unë dëshirova gjëra të vërteta”, tha ai për NBC. “Ishte me të vërtetë e gërditshme. Reagimi im vërehet edhe në ekran, që është i neveritshëm”, shtoi ai. Në filmin e tij të fundit të bërë nga regjisori i mirënjohur meksikan Alejandro Inarritu, DiCaprio, 41 vjeç, luan rolin e Hugh Glass në vitet 1820 të Amerikës. Filmi, i cili doli të premten në Amerikë të Veriut, bazohet në ngjarje të vërtetë, transmeton Gazeta Express. DiCaprio tha se filmi, shfaqë të vërtetën e asaj se çfarë do të thotë që të kesh shumë pak shanse për të mbijetuar dhe se si në këto raste triumfon shpirti njerëzor.
Faqja e internetit Goldderby.com thotë se falë paraqitjen së tij shumë reale në këtë film, DiCaprio ka shumë gjasa që ta fitojë çmimin Oskar për aktorin më të mirë më 28 shkurt.
