Muharrem Rama ka dhene mesazhin e pare pas fitores ne zgjedhjet per kryebashkiak. mesazhi i tij io pare ka qene ne adresete popullit dibran per mbeshtetjen
“Falenderoj qytetaret qe me mbeshteten ne menyre kaq masive. Te gjitha premtimet do ti mbajme. Nuk e prisja kwtw fitore kaq tw thellw. Infrastruktura do te jete perparesi”.
Kandidati i Aleancës për Shqipërinë Europiane Muharem Rama po shkon drejt fitores së zgjedhjeve për bashkinë e Dibrës, pasi udhëheq me një diferencë prej 4 000 vota ndaj rivalit demokrat, Sherefedin Shehu, të Partisë Demokratike. Deri tani në bashkinë e Dibrës janë numëruar 111 kuti nga 118 në total.
Muharem Rama ka arritur që të fitojë edhe në disa nga bastionet e Partisë Demokratike.
Maqellara njihet si bastion i demokratëve, por pavarësisht kësaj edhe një vit më parë kur kandidonte Ilir Krosi, demokratët humbën në këtë njësi me një diferencë prej 34 votash në favor të kandidatit socialist, Shukri Xhelili.
Deri tani Muharrem Rama ka fituar njësitë e numëruara në Maqellarë, Luzni, Selishtë, Melan, Peshkopi, Tomin dhe Kala e Dodës.
Procesi pas fillimit në mesnatë u ndërpre në orën 04:45 të mëngjesit për të rifilluar sot në orën 10:45 të paradites.
Nëse procesi ecën me këtë ritëm dhe nëse nuk do të ketë probleme procesi zgjedhor pritet që të përfundojë brenda ditës së sotme.
Procesi i numërimit po transmetohet live nga Report Tv nga grupi i xhirimit dhe gazetari Arsen Rusta, ndërsa po ndiqet me mjaft interes në KZAZ nr. 19 nga kandidatët, deputetët e dy partive dhe drejtuesit e degëve.
Në votim kanë marrë pjesë 60% e popullsisë, pra janë 33 978 vota për t’u numëruar.
Procesi votimit, por edhe ai i numërimit të votave vazhdon i qetë dhe pa probleme, policia është në gatishmëri në KZAZ numër 19 për të shmangur çdo incident. Teksa trendi i shifrave të dala nga kutitë e hapura të zgjedhjeve në Dibër flet për një fitore të lehtë të kandidatit socialist, Muharem Rama, vlen të theksohet se e majta fiton për të dytën herë radhazi bashkinë ish-bastion të demokratëve.
Në zgjedhjet e 21 Qershorit 2015, kandidati i majtë Shukri Xhelili fitoi me diferencë të ngushtë votash bashkinë e Dibrës, duke i dhënë Partisë Socialiste fitoren për herë të parë në këtë bashki të njohur tradicionalisht si e djathtë.
Ndërsa sot, Muharem Rama jo vetëm është drejt fitores, por ka thelluar edhe rezultatin e shënuar një vit më parë nga Shukri Xhelili. Rama kryeson me më shumë se 3 000 vota ndaj kandidatit të PD, Sherefedin Shehu.
Zhvillimet minutë pas minute nga votimet në Bashkinë Dibër
Ora 17:20 Sadri Abazi: E prisja fitoren e Muharem Ramës, PD s’bëri asgjë për Dibrën
Deputeti socialist, Sadri Abazi, u shpreh se e priste fitoren e kandidatit të ASHE, Muharem Rama, në bashkinë e Dibrës. Ai tha se PD ishte 8 vjet në pushtet dhe nuk bëri asgjë për Dibrën.
Ai tha gjithashtu se edhe Sherefedin Shehu ishte prej 3 vitesh deputet, ish-zv/ministër i Financave në qeverinë e PD e sërish kontributi për dibrën mungoi.
“E prisja rezultatin, pasi PD ishte në qeverisje prej 8 vitesh në qeverisje dhe nuk bëri asgjë. Lulzim Basha deklaroi se ishte dibran dhe në fshatin e tij fitoi Muharem Rama.
Z.Bumçi e uroi z.Rama, por ne i tham që të urojë edhe kryeministrin Edi Rama”, u shpreh Abazi.
Ora 17:00 Numërimi drejt fundit, edhe 10 kuti
Drejt fundit numërimi i votave në KZAZ nr. 19. Deri tani janë numëruar 108 nga 118 QV, 10 kuti të mbetura.
Kryeson kandidati i majtë Muharem Rama me 16 849 vota, ndërsa ai i djathtë, Sherefedin Shehu deri tani ka 12 988 vota.
Kandidati socialist, Rama, kryeson me 3 861 vota më shumë se Shehu.
Ora 16:00 Numërohen 92 Qendra Votimi, Rama kryeson me 3 260 vota
Teksa janë numëruar 92 Qendra Votimi nga 118 gjithsej, kandidati socialist Muharem Rama kryeson me 3 260 vota ndaj atij demokrat, Sherefedin Shehu. Rama ka marrë 14 765 vota, ndërsa Shehu 11 505 vota.
Kanë mbetur edhe 26 kuti për tu numëruar, deri në përfundim të procesit.
Ora 15:45 Numërohen 89 Qendra Votimi
Deri tani janë numëruar 89 nga 118 Qendra Votimi. Kandidati i majtë Muharem Rama ka marrë 14 476 vota, ndërsa ai i djathtë, Sherefedin Shehu ka 11 118 vota.
Muharem Rama kryeson me 3 349 vota më shumë se Shehu. Procesi i numërimit të votave vijon në KZAZ nr.19, në Dibër.
