Dy muajt e parë të këtij viti kanë sjellë një fluks të shtuar të të prekurve nga virozat stinore.
Mjekja infeksioniste pranë Spitalit Rajonal Dibër, Neada Hoxha thotë se fluksi më i lartë ka qenë gjatë muajit Janar ku janë paraqitur rreth 60 persona në ditë. Po ashtu, të prekur ka patur nga të gjitha moshat, ndërsa sipas Hoxhës vetëm një pjesë e vogël janë shtruar në spital, ndërsa pjesa tjetër janë përcjellë për në banesë pas marrjes së mjekimit nga mjekët specialist.
Të pakta kanë qenë rastet që kanë kërkuar mjekim më të specializuar që i janë përcjellë spitalit infektiv në Tiranë. Mjekja infeksioniste, Neada Hoxha ju kërkon qytetarëve që të mos panikosen, por të kërkojnë ndihmën e mjekut specialist nëse kanë shenjat apo simptoma të rënduara të virozës stinore.
Nga ana tjetër, mjekja Hoxha tha se gjatë muajit Shkurt, fluksi ka ardhur në rënie dhe pritet që të shkojë drejt normalitetit.
