Dashuria mes Diana Spencer-it, më vonë Princeshës Diana, Lady Di-së së famshme, dhe Princit Charles, mbretit të sotëm Charles III, është një nga marrëdhëniet qe ka intriguar me shume mediat shekullin e kaluar.
Sigurisht që dasma e tyre magjepsëse tërhoqi edhe vëmendjen mediatike, si kulmi i lidhjes së tyre, ashtu si tabloidët e ndoqën shterues dhe krijuan probleme në marrëdhënien e tyre, deri në divorcin dhe fundin tragjik të princeshës Diana.
Megjithatë, edhe sot, rrethanat më pak të njohura, madje edhe krejtësisht të panjohura të marrëdhënies së tyre nxisin dhe dalin në sipërfaqe, thote Express.
Kështu, kujtohet se Princesha Diana ishte 16 vjeç kur u takua me Princin Charles dhe është veçanërisht interesant fakti që më parë Charles ishte në një lidhje me motrën e Dianës, Sarah Spencer.
Thuhet se Charles e la Sahrën sepse ajo kishte shumë të dashur para tij, dhe Diana jo, kështu që ajo u konsiderua si një “zgjedhje më e mirë” se motra e saj. “Motra ime dilte me të, por mua më përshtaten më mirë se nuk kam të kaluar pas vetes. Unë nuk vrapova nga shtrati në shtrat” – pretendohet te kete thene Diana.
Megjithatë, u tha gjithashtu se Sarah ishte ajo që hodhi poshtë Princin Charles.
Sido që të jetë, është e sigurt që Sara takoi Charles, atëherë 29 vjeç dhe ky i fundit Dianën, asokohe gjashtëmbëdhjetë vjeç.
“Mbaj mend që mendoja se ajo ishte një vajzë 16-vjeçare shumë gazmore, e mprehtë dhe tërheqëse”, tha Charles, vlerësimi i të cilit për një vajzë të mitur, gjashtëmbëdhjetë vjeçare sot do të tingëllonte krejt ndryshe.
Kaluan tre vjet deri në takimin e tyre të parë zyrtar, kur Diana ishte 19 vjeç dhe ai 32. Diana u martua me Charles kur ishte 20 vjeç./m.j
