Aston Villa ka konfirmuar emërimin e Roberto Di Matteo në postin e menaxherit të klubit.
Ish strategu i Ëest Bromëich Albion dhe Chelsea do të jetë pasardhës i Remi Garde, i cili u shkarkua në mars pas rënies së Aston Villas nga Premierliga.
Di Matteo, i cili ende ka një shtëpi afër qytetit të Birminghamit në Leamington Spa nga aventura e tij në WBA, ka qenë i papunë pas largimit nga posti i trajnerit në Schalke në maj të vitit 2015, dhe ai nuk ka qenë i angazhuar në Championship prej kur udhëhoqi WBA-në drejt promovimit më 2010.
“Mezi pres të fillojë një sfidë të re dhe ta rikthej Aston Villan në vendin e duhur”, deklaroi Di Matteo për faqen zyrtare të klubit.
46-vjeçari e fitoi Ligën e Kampionëve dhe triumfoi në FA Cup si menaxher i Chelseas më 2012, kurse ka qenë i angazhuar edhe në postin e menaxherit në MK Dons, përgatiti Zëri. (b.an)
