Di Maria ka mbetur i habitur me vërshëllimat në Santiago Bernabeu ndaj Cristiano Ronaldos
Katër herë fituesi i Topit të Artë, Cristiano Ronaldo, po kalon ndoshta sezonin më të keq në karrierë që kur u transferua nga Manchester United në Real Madrid në vitin 2009, transmeton Gazeta Express.
Portugezi nuk regjistron statistika të mirë deri më tani këtë edicion, diçka që ka shtyrë tifozët të dyshojnë në aftësitë e tij. Por, pavarësisht kësaj, ish mesfushori i Real Madridit, Angel Di Maria, ka mbetur i habitur se si tifozët po dyshojnë në aftësitë e CR7, pas gjithë asaj që ka dhënë për këtë fanellë.
“Ai i ka dhënë shumë Madridit, ashtu si shumë të tjerë. Ai fitoi dy Liga të Kampionëve dhe njerëzit duket se kanë harruar këtë, të cilët gjithmonë duan më shumë”, tha Di Maria.
“E njëjta gjë ndodhi edhe me Leo Messin. Njerëzit thonë se ai nuk po shënon aq sa duhet, por brenda një nate mund të ndryshojë gjithçka dhe gjërat marrin kahje tjetër. Nuk i kuptoj aspak ata që dyshojnë te Cristiano”, shtoi Di Maria, citohet “Express”. (b.an)
