Në kuadër të emërimeve të reja në Qeverinë e Republikës së Kosovës, ministri i deritanishëm i Drejtësisë, Prof. Dr. Hajredin Kuçi sot i dorëzoi detyrën ministres të sapo emëruar në këtë pozitë Dhurata Hoxha.
Sipas njoftimit për shtyp të Ministrisë së Drejtësisë ministri Kuçi e vlerësoi emërimin e Dhurata Hoxhës si lajm të mirë për Kosovën.
“Në postin e ri Hoxha do ta ngrejë perceptimin për sistemin e drejtësisë dhe sundimin e ligjit në Kosovë”, tha Kuçi.
Ministrja e sapo emëruar e Drejtësisë falënderoi ministrin e deritanishëm për punën që ka bërë gjatë këtyre viteve, si dhe kërkoi që bashkëpunimi mes tyre të vazhdojë edhe në të ardhmen.
“Do të angazhohem në forcimin e luftës kundër korrupsionit, krimit të organizuar duke sforcuar më tutje parimin se askush nuk është mbi ligjin dhe se të gjithë duhet të jenë të barabartë para ligjit. (java / r.a)
