Ish-kreu i Policisë Bashkiake në Tiranë, Florenc Hoxha është proceduar penalisht, pasi ka dhunuar një 36-vjeçar, për shkak se pretendonte se shpërndante ushqime për fushatë.
Siç raporton News24, ngjarja ka ndodhur në Vaqarr, ku ish kreu i Policisë Bashkiake i ka bllokuar rrugën mjetit, në të cilin udhëtonte 36-vjeçari Bledar Goga.
Përfaqësuesi i Partisë Demokratike pretendonte se në këtë mjet kishte ushqime të ndryshme, që do të shpërndaheshin në këmbim të votës.
Hoxha është konfliktuar me 36-vjeçarin duke e goditur me grusht. Materialet u referuan në Prokurori, qofte për Hoxhën, ashtu edhe për pretendimet e PD për blerje votash.
g.kosovari
