Deputeti Kujtim Gjuzi duket se është hasur me disa probleme që lidhen me drejtësinë.
Mësohet se si pasojë e kallzimit të familjarëve të tij, gjykata i ka privuar qëndrimin në një banesë me bashkëshorten dhe të birin. Kanë qenë këta të fundit që e kanë kallzuar duke u shprehur se janë dhunuar.
Denoncimi ka ndodhur në policinë e Tiranës nga gruaja me inicialet M.K. dhe djali H.Gj, për dhunë në familje.
Mendohet se deputeti nga lista e Bashës ka ushtruar dhunë ndaj bashkëshortes dhe djalit të tij 16, vjeçar të cilët më pas e kanë kërkuar edhe Urdhër-Mbrojtje.
Ngjarja ka ndodhur në muajin nëntor 2019 ndërsa vendimi është dhënë nga gjyqtarja Kaçe Agolli. Kjo e fundit ka pranuar kërkesën duke i pajisur me urdhrin e mbrojtjes.
Në vendimin e saj gjyqtarja Agolli urdhëron deputetin Kujtim Gjuzi të mos qëndrojë në apartament dhe të mos i afrohet gruas dhe djalit në një distancë prej 200 metra. Po kështu nëpërmjet këtij vendimi të gjykatës së Tiranës, urdhërohet që të dyja palët si deputeti Kujtim Gjuzi dhe gruaja e tij, të bëjnë përpjekje maksimale për ti siguruar fëmijës së tyre H.Gj, qetësi dhe të mos e përfshijnë fëmijën në problematikat e tyre. /a.r
