Gjykata e Tiranës ka dhënë masën “Arrest me burg” për edukatoren Denida Rexhepi. Edukatorja u arrestua pasi akuzohet se ka dhunuar fëmijët e një kopshti privat në Tiranë. Përpara trupit gjykues 30-vjeçarja mohon të ketë ushtruar dhunë ndaj fëmijëve raporton BW.Pas denoncimit të bërë nga dy nëna të dy fëmijëve, 30-vjeçarja ra në prangat e policisë për ushtrim dhune fizike ndaj fëmijëve të mitur në një kopsht privat në rrugën “Nikolla Lena”.
Në cilësinë e provës materiale janë sekuestruar pamjet filmike të kamerave të sigurisë të këtij kopshti, bën me dije policia.
“Kjo shtetase është arrestuar , sepse me datë 04.06.2017, në ambientet e Komisariatit të Policisë Nr 2, janë paraqitur shtetaset J. B. dhe M. L., të cilat kanë bërë kallzim duke pretenduar se më datë 30.05.2017 dhe 31.05.2017, shtetasia D.R, duke kryer detyrën e saj si edukatore pranë një kopështi privat në rrugën “Nikolla Lena”, ka ushtruar dhunë fizike ndaj fëmijëve të tyre të mitur në këtë kopsht,” shkruhej në njoftimin e policisë./a.m.
