Opozita po përgatitet për protestën e 27 janarit. Kur na ndajnë 10 ditë nga protesta, kryetarja e LSI Monika Kryemadhi ka zhvilluar një bashkëbisedim me gazetarët. E pyetur nëse do ketë akte dhune në protestë, ajo u përgjigj se policia nuk duhet të provokojë.
Në 27 janar, thotë Kryemadhi, shqiptarët do t’i tregojnë Ramës se shumica e tyre janë kundër tij. Ajo akuzon Ramën se dhunën në protesta e solli ai, duke i kujtuar 21 janarin e 2011-ës.
“Shqiptarët janë aq të lodhur dhe zhgënjyer sa i përket situatës politike dhe ne në 27 janar do jetë paqësore ku të gjithë shqiptarë që janë të varfër që ndihen të pashpresë, po duan të ikin nga sytë këmbët, i ftojmë që në 27 janar të protestojmë që t’i tregojmë Ramës që shumica e qytetarëve janë kundër tij.
Në imazhin e shqiptarëve është krijuar ideja e protestave të dhunshme, por dhunën e solli zoti Rama në 21 janar, ishte shembulli më i keq i të bërit proteste. Ajo e 18 dhjetorit ishte shumë paqësore, nëse flakadanët quhen bomba molotovi…, policia dhunoi disa gra e vajza, dhuna s’është nga njëra anë, dhuna vjen kush e provokon dhe policia duhet të jetë e kudjesshme që të mos provokojë”, u shpreh Kryemadhi.
Në protestën e 18 dhjetorit, mbështetësit e PD dhe LSI tentuan të futen brenda në Kuvend, teksa mbahej seanca për zgjedhjen e kryeprokurores, Arta Marku./a.m.
