Pas dhunës në Itali, kaosi është zhvendosur në futbollin francez. Episodi është shënuar në ndeshjen vendimtare në Ligue 2, mes Bordeaux dhe Rodez, duel që u ndërpre pas 23 minutash lojë.
Goli i miqve ndezi revoltën e tifozëve të Bordo, të cilët nuk toleruan aspak festimin e Lucas Buades poshtë tribunës së tyre. Një prej tifozëve i shpëtoi vëmendjes së policisë për të hyrë në fushë dhe goditur autorin e golit.
Lojtari ra me kokë në fushë, duke kërkuar ndihmën mjekësore, ndërsa tifozë të tjerë hodhën sende të forta në drejtim të tyre.
Pas gjysmë ore loje, zyrtari i sfidës kërkoi ndërprerjen e sfidës. Një 90 minutësh që Bordo ishte e dënuar për të fituar dhe për t’u siguruan ngjitjen në elitë, ndërsa Rodez lufton për të mos rënë nga kategoria.
Në rrezik është edhe dueli i javës së fundit të kampionatit francez mes Ajaccio dhe Marsejës. Tifozë të vendasve janë sulmuar nga ata miq, për të vënë në dyshim zhvillimin e këtij 90 minutëshi.
Pesë tifozë janë lënduar, ndërsa tre bare dhe restorante janë shkatërruar nga përleshjet. Ajaccio ka rënë tashmë nga kategoria, ndërsa Marsejës e kanë të sigurtë vendin e tretë.
