Burrat shqiptarë vijojnë që të shfaqin anën e tyre të dhunshmë, duke rrahur dhe ofenduar gratë, nënat e fëmijëve të tyre.
Dy raste janë konstatuar së fundmi në juglindje të vendit.
I pari rast është prangosja e Ahmed Ujmes, 29 vjeç, banues në fshatin Vranisht.
Ai dyshohet se në banesë, ka ushtruar dhunë fizike e psikologjike ndaj bashkëjetueses së tij, shtetases A.Xh, 29 vjeçe.
Rasti i dytë është me Besnik Cacanin, 44 vjeç, banues në fshatin Starje-Kolonjë.
Ky shtetas ka ushtruar dhunë fizike dhe psikologjike ndaj bashkëshortes së tij shtetases L.C, 38 vjeçe.
Materialet në ngarkim të tyre i kaluan Prokurorisë të Rrethit Gjyqësor Korçë./a.m.
