Gazeta Daily Mail i ka kushtuar një investigim pjesës së padukshme të shtëpive të barit të Angli kontrolluar nga shqiptarët.
Daily Mail sjell rastin e dy shqiptarëve të marrë peng e te goditur ne mënyrë barbare, për te treguar se si grabitën shtëpinë e barit të disa shqiptarëve të tjerë.
Njëri prej dy shqiptarëve të marrë peng e ka buzën të carë dhe dhëmbët e thyer pasi është rrahur nga ata që e morën peng.
E gjitha kjo dhunë është filmuar e hedhur në Tik Tok si një mesazh për të tjerët që do të tentojnë të grabisin shtëpitë ku kultivohet kanabis.
Në një tjetër video siguruar nga Daily Mail shihen pesë djem të ri shqiptarë që mbajnë në duar thika dhe sëpata duke thënë se po bëhen gati për grabitje.
Shkrimi sjell edhe rastin e një shqiptari të vrarë brenda një shtëpie bari ndërsa i vëllai mbeti i plagosur. Dy hajdutë që goditën me thikë për vdekje një shqiptar gjatë një përpjekjeje të dështuar për të rrëmbyer rreth 100,000 paund bimë kanabisi, u dënuan me burgim të përjetshëm këtë muaj.
Renato Geci, 21 vjeç, u vra me një thikë kuzhine dhe vëllai i tij Vilson Geci, 29 vjeç, u sulmua me një kaçavidë dhe iu hodh acid në fytyrë pasi Shaddai Smith, 32 vjeç dhe Jason Sebran, 38 vjeç sulmuan fabrikën e ‘sofistikuar’ të drogës në një rrugë rezidenciale në perëndim të Londrës, ku mbaheshin 200 bimë kanabisi marsin e kaluar.
Gjashtë shqiptarë u burgosën këtë javë për drejtimin e një ferme të ‘sofistikuar’ kanabisi që kultivonte drogë me vlerë mbi 300,000 £ në një dyqan të lirë në Market Street në Rhyl, Uellsi i Veriut.
/s.f
