Mes thirrjeve për lirim dhe tensioneve, Gjykata e Tiranës ka dhënë sot masat e sigurisë për 11 të ndaluarit e protestës së dhunshme para Parlamentit. Prokuroria kërkoi burg për 5 nga 11 të ndaluarit, por gjykata ka vendosur për 10 të ndaluarit masën e sigurisë, detyrim paraqitjeje. Në burg është lënë vetëm Dorjan Protoduari. Në kohën kur në gjykatë po zhvillohej seanca për dhënien e masave të sigurisë, banorët kërkua nga gjykata lirimin e ndaluarve. Në seancë ndodheshin edhe deputetë të opozitës. Nga deputetet e LSI, të pranishëm në sallë ishin Endrit Braimllari dhe Silva Caka.
Prokurori Kreshnik Ajazi, i pranishëm në seancë ka kërkuar 5 masa arresti me burg dhe 6 masa sigurie detyrim paraqitjeje për 11 të ndaluarit.
Konkretisht janë lenë në fuqi këto masa sigurie
Erald Muçaj, detyrim paraqitje
Ali Naliç, detyrim paraqitje
Alban Ahmetcenaj, detyrim paraqitjeje
Paolo Ahmetcenaj, detyrim paraqitjeje
Lulzim Dozhlani, detyrim paraqitjeje
Fluturim Koleci, detyrim paraqitjeje
Ruzhdi Daci, detyrim paraqitjeje
Marsel Velillari, detyrim paraqitjeje
Dorjan Protoduari, arrest me burg
Amarildo Sinanaj, detyrim paraqitjeje
Shpati Bilbilaj, detyrim paraqitjeje
Kjo seancë vjen pas protestës së dhunshme para Parlamentit, e cila degradoi në dhunë fizike mes qytetarëve dhe policisë. Nga protesta u plagosën 15 efektivë, mes tyre efektivja Ina Nuka, e cila humbi 2 gishta.
a.ç
